General Santos City—- Dakpan sa gipahigayong buybust operation sa Police Station 7 sa pagpanguna ni Police Senior Inspector Fernando Manuel Jr., ang usa ka Ariel Mariano Porras, 24 anyos nga taga D. Lotilla, Sultan Kudarat.
Sumala kang PSI Manuel nga alas 11 ang takna sa buntag dihang gipahigayon ang operasyon sa may Daproza Avenue, Brgy. Dadiangs West ning dakbayan.
Nakuha gikan sa posisyon sa suspek ang 500 ka pesos nga buy bust money ug usa ka sachet sa gituuhang shabu nga buy bust item.
Atol sa pagsuta sa lawas niini, narekober ang laing usa ka large sachet ug onse ka medium size sachet sa gituuhang shabu kantidad 40mil ka pesos. Sa kasamtangan ang suspek ang balhog na sa lock-up cell sa Police Station 7 ug ginahikay na ang kasong pagsupak sa Sec. 5 ug 11 sa Article 2 sa R.A 9165.
