General Santos City—Hingpti nang nakasuhan ang suspetsadong una nang nadakpan sa mga personahe sa City Police Drug Enforcement Unit (CPDEU) ang usa ka dayo nga si Tonton Tiago, 20 anyos nga nanimuyo sa Barangay Ambalgan Sto. Niño, South Cotabato human nga napalitan kini usa ka sachet sa shabu sa gipahigayon nga buy-bust operation nga gipahigayon alas 11:55 ang takna sa gabie.
Sumala pa ni Police Major Ruelito Lumiguid ang labaw sa CPDEU nga ang nasangpit ang duha palang ka bulan sa syudad sa Gensan aron matud pa mag apply ug trabaho apan namaligya man diay kini ug iligal nga droga.
Dugang pa ni Lumiguid nga wala sa daan nga watchlist ang nahisgutang suspect ug bag-o lang mitumaw ang pangalan niini basi usab sa rebilasyon sa una na nilang mga dinakpan hinungdan nga gipahigayonana ug operasyon.
Sa karon target sa kapulisan ang supplier sa nasampit nga suspect nga nagalihokan dinhi sa syudad.
Kung kahinumduman nga napalitan ug usa ka sachet sa gikatahapang shabu ang suspect ug nakuha usab sa iyahang posisyon ang lain pang medium size sachet ug 500 pesos nga mark money.
