General Santos City–Nagpabiling missing hangtud karong panahuna ang myembro sa Maritime Police nga si Police Senior Master Sergeant Edilberto Bernardino kansa napusilan sa wala pa mailhing mga suspetsado atol sa gihimong operasyon sa tropa sa maritime batok mga illegal alien ug illegal Smuggling sa kadagatan nga bahin sa may Purok kulasi, Barangay Labangal niadtong milabay nga bulan sa Nobyembre tuig 2019.
Sumala pa ni Police Lt Col. Harry Domingo ang labaw sa Regional Maritime Unit-12 nga naglisod gayud ug pangita ang mga diver nga nagpahigayon ug search and retrieval operation sa nasampit tungod sa kondisyon sa tubig sa maong lugar kung asa lapok ug lawom sa lugar.
Gi-angkon usab ni Lt. Col. Domingo nga karon wala pa gyud silay saktong himan aron sa pag pangita sa nahisgutang biktima, samtang aduna man usab matud pay posibilidad nga nasangit kini sa mga corrals sa maong lugar hinungdan nga wala milutaw ang lawas niini.(Dave Silagan)
