GENERAL SANTOS CITY- Naghimas rehas sulod sa selda sa San Isidro Police Station si Jeffrey Oliver Fin hamtong ang edad og residente sa Purok Vicente Fin, Barangay Magsaysay, Polomolok, South Cotabato human kining makorner sa mga pulis nga nalambigit sa pagpayuhot og iligal nga droga sa may gate sa Queenies Love Subdivision, Brgy. City Heights ning siyudad gahapon sa udto.
Base sa inisyal nga imbestigasyon sa San Isidro Police Station 4, napalitan sa pulis nga nagpakunong buyer og iligal nga droga ang suspek nga gamayng pakete sa gidudahang shabu gamit ang 500 pesos nga marked money.
Narekober sa mga pulis ang pouch nga dunay unod nga laing duha gagmayng pakete sa gidudahang shabu gikan sa suspek.
Gilayong gidala sa presinto ang suspek nga si Fin samtang atubangon niini ang kasong pagsupak sa Comprehensive Dangerous Drugs.
For more info’s and updates, like and share our official facebook account : www.facebook.com/ifm91.9Gensanofficial/
PHOTO (c) Kag Ralph Asis
[image: buybust.jpg]
