Davao City – Walay negatibong epekto sa negosyo o sa business sector ang kusog nga linog nga nasintian sa Davao Region o bisan ang mga sunod-sunod nga nasinatiang aftershocks.
Sa interbyu sa DXDC 621 RMN Davao kang Arthur Milan, presidente sa Davao City Chamber of Commerce and Industries Incorporated (DCCCI), gibutyag niini nga walay na report kanila nga adunay mihinay nga negosyo tungod sa linog.
Hinoon, aduna may mga naapektuhang gambalay labi na sa Davao del Sur apan padayon gihapon sumala pa ang ilang negosyo human sa kalamidad.
“Kadto lang naapektuhan because business will continue to be in business man gud, that’s the nature of business. Wala man miy so far nadungog nga naay paghinay sa negosyo tungod sa linog,” saysay ni Milan.
Nasayran nga aduna usay chamber sa Davao del Sur, Digos, General Santos ug Kidapawan apan wala silay nadawat nga impormasyon labot sa paghinay sa negosyo.
Bisan pa man niini, makig-alayon karon ang Davao chamber sa Department of Trade and Industry (DTI-XI) aron masuta ug ma-assess kung kumusta na ang dagan sa negosyo sa matag lugar nga apektado sa kalamidad.
RadyoMaN Kirby Manzon
