Davao City- Gihatagan og 8 nga grado ni Office of Civil Defense XI Regional Director Leoncio Cirunay ang Davao City National High School isip pilot area sa dakbayan atol sa gipahigayong 3rd quarter sa Nationwide Simultaneous Earthquake Drill.
Giingon ni Cirunay nga satisfied kini sa gipakita nga partisipasyon sa mga kabatan-onan human niya nakit-an kung unsa sila ka andam inig muabot ang kusog nga pag linog sa syudad.
“Nakita naming yung mga estudyante na parang aware sila, nag execute sila nang duck, cover and hold. Although there are some na nagtakbo, dapat they will just walk faster than normal kasi pag may lindol hindi ka naman makatakbo… Etong Davao City National High School ginawa nating pilot area, they are very committed, we are very satisfied by their performance.”
Subay niini dako ang pasalamat ni Fernando Maturan Jr., ang School Disaster Risk Reduction and Management Council Coordinator sa Davao City National High School sa gihatag nga punto sa ila sa OCD diin nagpamatuod lang nga nag improbar ang pagpangandam sa ilang tulunghaan sa muabot nga paglinog sa dakbayan.
Awhag sa OCD XI sa katawhan nga mupartisipar sa ilang ginapahigayon nga earthquake drill aron preparado kini sa mga mahitabo nga pagtay-og sa kayutaan sa nasod.
RadyoMan Abi Bibera
