Davao City – Dugang provincial buses ang gitugotang mubiyahe sa Land Transportation Franchising and Regulatory Board (LTFRB)-XI sa mga ruta sulod sa Davao Region nga daghan ang pasahero.
Sa interbyu sa DXDC RMN Davao kang Aiza Usop, manager sa Davao City Overland Transport Terminal (DCOTT), gibutyag niini nga niadtong June 1, 2020 anaa sa 13 bus trips ang mubiyahe sa DCOTT samtang sa pagkakaron anaa na sa 46 ka biyahe sa usa ka adlaw diin gidugangan ang ruta’ng daghan ang pasahero sama sa Davao-Digos route diin upat ka bus companies ang nagabiyahe.
“Nakita nato kung asa nga mga ruta or area nga dagha’g pasahero. So mao pud ‘to ang gipun-an sa atong LTFRB og biyahe, additional trips,” tataw ni Usop.
Matud ni Usop nga bisan og anaa na ilawom sa Modified General Community Quarantine (MGCQ) ang Davao City walay kabag-ohan sa gipatumang ‘health protocols’ sa terminal batok Coronavirus Disease 2019 (COVID-19) ug ang 50% seating capacity sulod sa sakyanan.
RadyoMaN Kirby Manzon
