Davao City – Gibutyag sa kadumalahan Davao City Overland Transport Terminal (DCOTT) nga nadugangan ang biyahe sa terminal human sa anunsyo nga pagpaluag sa pipila ka travel restrictions sama sa wala na pag-require og travel authority ug medical certificate sa ubang mga Local Government Unit (LGU).
Sa interbyu sa DXDC RMN Davao kang Aiza Usop, DCOTT Manager, gikumpirma niini nga gikan sa 200-300 ka biyahe matag adlaw, misaka kini sa 400-500 bus trips matag adlaw, human usab nga gipagawas ang maong direktiba sa national government pinaagi sa Department of Interior and Local Government (DILG).
“Based sa atoang data, nidaghan or ni-increase ang number of trips nato after ‘tong gipang post (anunsyo) nila nga dili na kaayo istrikto ang travel authority ug ang medical certificate. We presumed that if nag increase ang number of bus trips, nag increase pud ang number of passengers,” segun ni Usop.
Tataw sa DCOTT Manager, usa sa mga rason kung nganong wala kaayoy nagabiyahe mao ang daghanang requirements nga ginapangayo sa ulian nga lugar.
Samtang, giklaro sa DILG nga wala nahimong requirement sa national government ang RT-PCR (reverse transcription–polymerase chain reaction) test diha sa LGU, diin ang ubang LGUs lamang ang nagpatuman niini
Ilawom sa new protocol, posible gihapon nga i-require sa usa LGU ang maong rekisitos, rason nga kinahanglang hibal-on gihapon una ang ginapangayo sa uliang lugar ayha mubiyahe.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
