Davao City – Ginapaabot na lamang sa management sa Davao City Overland Transport Terminal (DCOTT) ang desisyon kung magbutang og bus stops gawas sa terminal human nga padayon karon nga gipatuman ang “No loading of passengers” sa mga designated bus stops sa syudad sa Davao.
Sa interbyu sa DXDC RMN Davao kang Aiza Usop, manager sa DCOTT, gibutyag niini nga anaa na sa kamot sa City Government of Davao, ang desisyon ilabina sa security cluster nga maoy nasayud sa status sa dakbayan sa hisgutanang seguridad.
“Whatever their decision kung i-lift ba nato or ipapadayon pa ba gihapon na nato ang palisiya nga dili ta mag-pick og mga pasahero, atoa lang nang i-implement pud,” sulti ni Usop.
Unsa man ang desisyon, padayon nga gipangandaman sa DCOTT ang dagsa sa mga tao ilabi na karong ‘ber’ months diin naobserbahan na usab karon nga adunay pagtaas sa ihap sa mga pasahero sa terminal.
RadyoMaN Kirby Manzon
Facebook Comments
