Davao City – Hugot gihapong ipatuman ang ‘No Pick Up’ policy sa Davao City Overland Transport Terminal (DCOTT) karong Holy Week.
Sa pakighinabi sa DXDC RMN Davao kang Aisa Usop, DCOTT Head gisulti niya, ipatuman ang maong palisiya subay kini sa gipatuman nga ordinansa sa dakbayan sa Davao.
Gi-awhag usab ni Usop, ang mga pasahero nga sa terminal lang gayud mosakay aron pagseguro nga luwas ang mga pasahero sa ilang biyahe.
“Naa tay Holy Week or walay Holy Week gina implement gihapon nato na No Pick Up Policy it because that is ordinance”, sulti ni Usop.
Dugang sa opisyal, istriktong ipatuman ang pag-inspection sa mga bagahe sa terminal ug ipaagi gihapon sa x-ray machine aron pagseguro nga walay makasulod nga mga kontra bando sa maong terminal.
RadyoMaN Don Pulayao
Facebook Comments
