Davao City – Walay angay kabalak-an ang mga pasahero nga muuliay karong pasko ug bag ong tuig nga dunay dalang mga bagahe nga nakapackaging tape o hugot ang pagpack sa mga gamit.
Sumala ni Davao City Overland Transport Terminal kun DCOTT Manager Aisa usop atol sa pakighinabi sa DXDC RMN Davao kaniya, dunay mga pamaagi og unsaon pagsuta ang sulod sa bagahe o ma-check og aduna bay sulod nga pwedeng makahasi sa seguridad sa publiko.
Gibutyag ni Usop nga di na kinhanglan bungkagon pa ang mga naka pack gumikan adunay stay in K9’s ang pwede musimhot niini ug ipaagi usab kini sa Walk Through Machine.
Dugang niya gipangulohan sa Task Force Davao ang pagbantay sa seguridad sa terminal kalakip na dinha ang mga security guards aron masigurong walay mga dautang gamit ang makasulod.
Alayon niini aduna usab CCTV nga gibutang n sa Passengers Entrance diin ahimangno niini ngadto sa mga pasahero nga mamahimong musunod sa mga rules and regulations sulod sa terminal ug dili mag dala ug mga dautang gamit aron mamahimong hapsay ang pag check ingon man ang pagpadulong nila sa ilang tagsa-tagsa ka mga destinasyon.
John Ryan Dyanan, HCDC intern
