Davao City – Istriktong ipatuman sa Davao City Overland Transport Terminal (DCOTT) ang mga palisiya niini labi na panahon sa Undas.
Sa interbyu sa DXDC RMN Davao kang Aiza Usop, DCOTT manager, gibutyag niini nga gipulong na niini ang ilang mga stakeholders sa Davao terminal nga tumanon ang mga palisiya sama sa pagsuot og uniporme ug ID aron sila ma-rekognisar.
“Aduna tay himuong strict implementation when it comes to our DCOTT policy. Sa atoang mga porters, peddlers and canvassers nga kinahanglan mag complete uniform gyud sila ug ilang suoton ang ilahang ID aron ma-identify pud sila,” saysay ni Usop.
Dugang ni Usop nga gitahasan usab ang nahisgutan nga i-report ang mga kadudahang butang ug indibidwal sa palibot ngadto sa mga otoridad sulod sa DCOTT.
“Atoa pud silang gi-inform nga maging vigilant sila ug kung aduna silay mamatikdan nga dili kaaya-aya, mag coordinate sila sa atong Task Force Davao ug sa atong mga kapulisan nga naa sa sulod diha sa atoang terminal,” dugang ni Usop.
Gipaniguro sa kadumalahan sa DCOTT nga mamahimong luwas ug maayo ang biyahe sa mga pasahero atol sa Undas.
RadyoMaN Kirby Manzon
