DCOTT: "Terminal to terminal" nga pag-pick up og pasahero estriktong gipatuman nunot sa MSU bombing

Davao City – Istriktong ipatuman karong bulana sa Davao City Overland Transport Terminal ang terminal to terminal nga pagsakay nga karon dunay natigayong pagpamomba sa Mindanao State University Gym sa Marawi City kung asa upat ang namatay ug kapin napulo ang naangol sa mga Estudyante niadtong Domingo sa buntag.

Nakigpulong si DCOTT Manager Aisa Usop sa Land Transportation Franchising and Regulatory Board uban ang Land Transportation Office Davao City aron tukion ang hugot nga ma-implimintar ang “No Pick Policy” ug nga sa terminal gayod manukad og sakay ang mga pasahero ug dili daplin sa mga kalsada.

Giangkon ni Usop nga lisod kontrolon ang mga buse kon makagawas na sa terminal tungod dili na nila mamonitor kon nagpasakay ba sila og pasahero sa mga kadalanan.

Busa naghangyo si Usop sa katawhan nga kon mahi- mo mulahos nalang gayod sa terminal aron didto na musakay pauli sa ilang mga Probinsiya.

Gipasalig sa opisyal nga luwas sakyan ang mga bus sa DCOTT tungod gimandaran na sa ilang buhatan ang ang mga bus company nga sigurohon gayod miagi sa maintenance ang ilang mga buses ug dugang pa ang rekisitos nga gikinahanglan gikan sa LTFRB XI.

Sa karon, hinay pa ang volume sa pagdagsa sa mga pasahero sa terminal hatod sa epekto sa dagkong panghitabo sama sa linog ug MSU bomb.

RadyoMaN Joel Viray