Davao City – Mokabat sa 3,505 ang naaresto sa Davao City Police Office (DCPO) kinsa mga nakalapas sa quarantine protocols sa dakbayan sa Davao sukad Marso 15 hangtod Hunyo 18 nunot sa COVID-19.
Sa pakighinabi sa RMN Davao kang DCPO spokesperson Police Capt. Rose Aguilar, ang mga naaresto nakalapas sa curfew, liquor ban, social distancing ug Food and Medicine pass.
“Namatikdan nga nisaka ang numero sa mga violators nato kay ang uban man though nakabalo sila nga extended na abi nila nga luag ang atoang security measures,” segun ni Aguilar.
Sa datos sa DCPO, 1,412 niini ang napasakaan na og kaso.
RadyoMaN Aimee Guinita
Facebook Comments
