Davao City – Preparado na ang kapulisan sa pag-asister sa mga muabutay nga 400 kabuok nga locally-stranded individuals (LSIs) dinhi sa Davao gikan og Luzon.
Sa interbyu sa RMN Davao kang Davao City Police Office spokesperson Police Capt. Rosario Aguilar, adunay daghang ihap sa mga pulis sa Davao City Overland Transport Terminal (DCOTT) sa pag-abot sa mga LSIs.
“Ginakonsidera pud baya ng DCOTT nga isa pud sa lugar nga influx ang tao. Ang Talomo Police Station ug uban pang special unit pwede muayuda para sigurohon ang kahapsay ug seguridad sa matag usa labi na nga gina-expect nato nga ubay-ubay nga mga LSIs nga muabot,” segun ni Aguilar.
Nasayran nga nagsugod og byahe ang bus niadtong June 4, 2020.
Samtang gitataw ni Davao City Mayor Sara Duterte nga land o sea travel nalang karon ang pamaagi sa paghatod sa mga LSI human gihunong na ang air travel.
RadyoMaN Aimee Guinita
