Sa pakighinabi sa DXDC RMN Davao kang Tuazon, iyang giklarong adunay authorized shops ang DCPO nga maoy naga-isyu og uniforms sa kapulisan sa dakbayan.
“Ang Davao City Police Office (DCPO) naa man gyud tay authorized nga mga dealers nga maga-isyu o magahatag og mga magkuha uniforms. Pangitaan na nila og ID kung kinsa man ang magpalit sa ilaha og mga uniforms sa PNP. So kailangan mag-present sila og ID nga sila PNP,” segun ni Tuazon.
Kini human sa nahitabong pagpanulis sa usa ka pawnshop sa Koronadal City niadtong Pebrero 21, 2024 diin ang mga nalambigit nga tulisan nakasuot og police athletic uniform.
Gani nagpasidaan si Philippine National Police (PNP) Chief PGen. Benjamin Acorda Jr. nga ang mga sibilyan nga masakpang nagsul-ob og uniporme sa PNP mahimong mapriso hangtod sa unom (6) ka tuig subay sa Article 179 sa Revised Penal Code.
RadyoMaN Ivy Parido
