Sa interview sa DXDC RMN Davao kang Police Major Marvin Hugos, ang Hepe San Pedro Police Station gisulti niya, motabang sa kapulisan sa San Pedro ang mga personahe gikan sa Security Clusters ug adunay augmentation usab gikan sa Regional Headquarters sa PRO-XI ug Davao City Police Office (DCPO) sa pagbantay sa mga aktibidad.
Segun ni Hugos, magbutang og Police Assistance Desk og Command Post sa mga dagkong aktibidad sama sa Parada Dabawenyo.
Subling nagpahimangno ang opisyal sa mga Dabawenyo, atol sa maong aktibidad gidili gihapon ang pagdala sa dili transparent nga tumbler, kalo, back pack ug pagsuot sa hoody jacket.
“Atong gihangyo ang atong mga kaigsuonan nga tabangan ang pagbantay sa tanan activity para at least mahimong hapsay og malinawon nga walay kakulian nga moabot at least malipayon ang tanan nga mouli”, sulti ni Hugos.
RadyoMaN Don Pulayao
