DCPO: ‘Black van’ gi-imbestigar

129

Davao City – Gimanduan na karon sa Davao City Police Office (DCPO) ang Buhangin Police Station nga pangitaon ang tawo nga nag-post kalabot sa nag-trending karon sa social media diin gi-alegar nga siya gihunongan sa usaka itum nga van.

Sa interbyu kang DCPO spokesperson Capt. Rose Aguilar, gibutyag niini nga walay pormal nga nagpatala sa bisan asa nga police station kalabotan sa maong insidente.


Matud ni Aguilar, ginapangita na nila karon ang naasoy nga tawo aron siya makahatag og igong kasayhuran kun kalamdagan sa mga tawong luwan sa maong ‘black van’ ug uban pang mga detalye kun sirkumstansya.

“Basin naa pa siyay mga wala pa na post o nalimtan nga detalye kung kinsa ba gyud ‘to ug unsa ba gyud ‘to nga van,” saysay ni Aguilar.

Gumikan sa maong nikaylap nga post, ubay-ubay nga mga residente gibati’g kahadlok.

Nagpasidaan karon ang atong kapulisan ngadto sa publiko nga dili tanang makita o mabasa nga mga postings diha sa social media angay tohoan gilayon or ika-alarma gani himon kining giya sa matag usa nga molikay diha sa mangitngit nga mga dapit ingon man likayang mag-inusarang maglakaw sa kaladalan ilabi na panahon sa kagabhi-on.

Gani, gi-awhag karon sa atong mga awtoridad nga kadtong adunay nasinatiang susama sa nahisgotan magpa-blotter gilayon aron ma-imbestigaran.

RadyoMaN Jason Amisola

Facebook Comments

From Advertisers