DCPO: Double murder case atubangon sa mga suspect mipatay sa mag-uyab sa condo

Davao City – Posibleng karong Bulan sa Mayo 2024, ipagawas ang resulta sa DNA test gikan sa Forensic Unit Team sa patay’ng lawas sa mag-uyab nga sila Jeffry Predas ug Jennifer Chavez aron mailhan ang mipatay sa duha ka biktima sumala sa Davao City Police Office (DCPO).

Sa interview sa DXDC RMN Davao kang Police Captain Hazel Tuazon,DCPO Spokesperson gisulti niya, kung adunay kalambigitan ang duha ka person of interest (POI) subay sa resulta sa DNA test, kasong double murder case ang atubangon sa mga suspect.

Segun ni Tuazon, nagpadayon ang imbestigasyon sa kapulisan ug usa sa gitutokan ang crime of passion ug personal grudge nga motibo sa krimen.

“With regards sa SITG dili sya ma-fall nga i-under sa SITG ang Chavez case but Davao City Police Office (DCPO) naa tay ginabuhat nga peace conference naa diha ang CDIG, Forensic Unit Team ug uban pa nga makatabang sa paspas nga investigation”, sulti ni Tuazon.

Kahinumduman, nakita na lamang nga wala nay kinabuhi ang mag-uyab sa managlahing oras ug lugar sa usa ka condo sa Bajada, Davao City niadtong Abril 21, 2024 nga adunay mga samad dinungaban sa lawas.

RadyoMaN Don Pulayao