Davao City – Gikondena sa Davao City Police Office (DCPO) ang pag-ambush patay kang P/Msgt. Jacksonpel Suan, sakop sa Sasa Police Station, Martes sa gabii sa Km. 10 Sasa, syudad sa Davao sa wala pa mailhing suspek.
Gimando ni DCPO City Director Police Col. Kirby John Kraft sa Sasa Police Station Chief of Police , Police Major Jerome De Guzman, nga palawman ang imbestigasyon aron mailhan ang responsable sa krimen ug mahataga’g hustisya ang gipatay nga pulis.
“Ang Davao City Police Office (DCPO) ay nalulungkot sa nangyaring ito sa kasamahan natin. Kinokondena po natin ang may kagagawan po nito, isa po itong karuwagan sa kanilang parte para gawin sa ating pulis na nagta-trabaho lamang. Kailangan na ma-solve nila iyong kaso, ma-identify nila iyong perpetrator at ma-file-an ng kaukulang kaso upang mabigyan ng hustisya ang pagkamatay ng ating kasaman na si sergeant Suan,” segun niini.
Subay usab niini gipaniguro ni Kraft nga mahatag ang mga benepisyo sa nailo nga pamilya ni Suan.
Samtang, gibutyag ni Police Major Jerome De Guzman sa interview sa DXDC RMN Davao, usa sa gilantaw nila nga anggulo sa pagpatay kang Suan, work related o pagka-kanhi intel niiini ug posebling pagpanimalos ang motibo. Adunay mga nadawat nga threats ang biktima.
Matud ni De Guzman, planado ug adunay kapasidad kung kinsa man ang mga nagpaluyo sa pagpatay sa pulis. Sa maong insidente, patay usab ang driver sa gisakyan niining taxi nga si Junrey Solano, residente sa Purok 7, Bunawan ning dakbayan sa Davao.
RadyoMaN Aimee Guinita
