Davao City – Mag-roving ang mga kapulisan ubos sa Oplan Sagop Kabataan sa mga lodging inns o mga motels aron masiguradong walay makasulod nga mga menor de edad karong Valentine’s day.
Sumala ni Davao City Police Office Spokesperson PSI Ma Theresita Gaspan kini subay usab sa ilang gipakusgang kampanya kontra human trafficking ug walay mabiktima sa rape o child abuse.
Giesplekar ni Gaspan nga kung masuta nila nga minors ang musulod sa usa ka motel pangitaan nila kini’g identification card ug birth certificate.
Kung kumpirmadong menor kini i-rescue kini sa DCPO-Women and Children Protection Desk.
Pasidaan ni Gaspan sa mga ginikanan nga hugot nga imonitor ang mga aktibidad sa ilang mga anak.
Gidasig usab sa DCPO ang tanang motel owners nga dili magpasulod og mga minors.
Gipaniguro sa kapulisan nga dili matarog ang privacy sa ubang mga guests sa mga motels.
RadyoMaN Aimee Guinita
