PATAY GID! | Matadero nga ginlampusan sang kahoy sa banwa sang Maayon, ginbawian sang kabuhi samtang ginabulong sa ospital

230

Maayon, Capiz – Wala na masugpunan ang kabuhi sang isa ka matadero sang Maayon Public Market matapos ginlampusan sang binis-ak nga kahoy. Ginbawian sang kabuhi samtang ginabulong sa ospital ang biktima nga si Meljohn Dellava sang Poblacion Ilawod, Maayon, Capiz bangud sang naangkon sini nga samad sa ulo kag lawas.
Nagluntad ang insidente matapos nag-abot sa merkado ang biktima sakay sa iya topdown nga tricycle nga ginakargahan sang iya baligya. Bangud magahug ang andar sang iya tricycle, nakibot ang nagakatulog nga suspek nga ginkilala kay Roly de Juan 34-anyos sang Barangay East Villaflores, Maayon.
Nagpalapit ang suspek sa biktima kag nagluntad ang pagbina-isay sa tunga sang duha. Nag-init ang indi pag-intiendihanay nga nagtulod sa suspek nga magkuha sang binis-ak nga kahoy kag ginmlampusan ang biktima sa iya agtang kag iban nga parte sang lawas.
Samtang ginpasaka na sang mga kapulisan sang Maayon PNP upod sa pamilya sang biktima ang kaso nga homicide batuk sa suspek.

www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments

From Advertisers