Sa interbyu sa DXDC RMN Davao kang Police Major Ma. Teresita Gaspan, Spokesperson sa DCPO, gisulti niini nga mas maayo kung sa sulod sa balay i-selebrar ang okasyon aron likay nga ma-expose sa gawas ug maproteksyonan pa ang pamilya.
Samtang, kung dili man malikayang mugawas, gipahinumdom ang istriktong pagtuman sa minimum public health standards.
“In as much as we wanted to celebrate Valentine’s Day sa gawas, amoa nalang i-encourage ang uban nga dinha nalang sulod sa panimalay mag-celebrate sa Valentine’s Day. Anyway, everyday Valentine’s Day man. Atong ipatigbabaw ang gugma sa matag-usa kanato,” sulti ni Gaspan.
Dugang sa tigpamaba sa DCPO, ilang gimonitor usab ang mga inns ug lodging houses sa dakbayan aron malikayang adunay minors nga makasulod diin kini hugot nga gidili. Ingon man, pagsegurong walay mga pagpangabuso sa kababayen-an ilabina karong adlaw sa kasingkasing.
RadyoMaN Kirby Manzon
