Davao City – Nakigkoordinar ang Talomo Police Women and Children Protection Desk (WCPD) sa Barangay Sasa ug kasikbit pang mga lugar aron sa pagpangita sa inahan sa napalgang bag-ong himugso nga bata sa Golden Hills, Panacan, Davao City.
Sa interbyu sa DXDC RMN Davao kang Police Capt. Rosario Aguilar, Davao City Police Office spokesperson gipangita karon kung kinsay posibleng mga nanganak sa maong lugar.
Gipanawagan ni Aguilar sa mga inahan nga mupatim-aw sa awtoridad.
“I still believe naa man gyod gihapon nga naay soft part ang atong kasing-kasing, kabalo man gyod ta nga naa tay sayop nga nahimo,kung nakonsensya naka. Ginaawhag nako ang mama nga magpakita ka, magpakainahan ka kay naay gobyerno nga imohang dangpan ug andam mutabang,” sumala niini.
Segun niini kung mapamatud-an man gipasipad-an sa inahan ang bata mamahimo kining makasuhan og paglapas sa RA 7610, apan sa imbestigasyon sutaon kung unsay mga hinungdan sa pagbilin sa bata.
Gidala sa Southern Philippine Medical Center (SPMC) ang bata alang sa medical examination.
RadyoMaN Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
