Davao City – Hapsay ug way kakulian nga natala ang kapulisan sa syudad sa Davao subay sa gilusad nga picket rally sa Transmission PISTON kaganina sa may Mc Arthur Balusong Matina, ning syudad.
Kini ang nahimong assessment sa Davao City Police Office kun DCPO atol sa interview sa DXDC RMN Davao kang DCPO spokesperson Police Captain Nolan Tagsip.
“So far karon as our assessment is concern, peaceful and manageable man,” segun ni Tagsip.
Gitino usab sa otoridad nga walay nahitabong transport strike sa syudad subay sa gihimong aktibidad sa kaulohan ug sa ubang lugar sa Pilipinas kalabotan sa pagsupak sa jeepney modernization program.
Samtang una ng giingon ni Larry Arguilles, Secretary-General sa Transmission Piston, nga ang picket rally maoy gilusad sa mga drivers Davao sa wala pagpahigayon og strike dinhi sa syudad.
Padayon nilang ginakontra ang jeeney phase out gumikan labing maapektuhan niini ang panginabuhian sa mga drivers ingon man ang mga pamilya niini.
RadyoMaN Renz Barbarona
