Davao City – Ang padayong pag-ubos sa gidaghanon sa mga nakasupak sa mga guidelines nga gipatuman sa gobyerno ilawom sa sunod-sunod nga Enhanced Community Quarantine (ECQ) ug lockdown senyal nga angay hugtan pa’g maayo ang pagpakabana sa katawhan.
Sumala ni P/Capt. Rosario Aguilar, Davao City Police Office (DCPO) Spokesperson, inanay na nga na-adaptar sa katawhan ilabi na sa syudad sa Davao karon ang maong mga control measures tungod sa pag-ubos sa ihap sa mga violators.
Gipasabot usab ni Aguilar nga usa sa pangandaman luyo sa nasinatiang kalisud mao ang mga moabot pang krisis pinaagi sa pagpakabana diin gikinahanglang updated sa mga balita ug inpormasyon sa social media ug pagkondisyon sa kaugaligon sa pagtuman sa bisan unsang mga i-mando o guidelines sa kagamhanan tungod kay ang gobyerno naningkamot sa pagpangita’g mga paagi aron matubag ang krisis nga giatubang.
RadyoMaN Bernard Pantallon
