DCPO maglusad og seperate investigation labot sa pagkahanaw ni Kenth Lawrence Espinosa

Davao City- Maglusad og laing imbestigasyon ang Davao City Police Office (DCPO) labot sa pagkahanaw ni Kenth Lawrence Espinosa kinsa usa sa upat ka mga suspek nga gikasohan og rape with homicide sa Special Investigation Task Group (SITG) human gitudlo ug giila sa testigo nga si Alyas Michael nga apil kini sa mangilngig nga paglugos ug pagpatay kang Architect Vlanche Marie Bragas niadtong Mayo 16,2023.

Atol sa SITG Bragas press conference gibutyag ni DCPO Director Police Colonel Alberto Lupas, magpahigayon sila og lahi nga imbestigasyon mahitungod sa pagkawala ni Espinosa kinsa hangtod karon wala pa gayod makita human gidagit ug gisakay sa SUV sa Purok 1, Barangay Lacson bandang alas 3:00 sa hapon niadtong bulan sa Mayo ning tuiga.

Sa interview sa DXDC RMN Davao sa iyaan ni Espinosa, gibarugan niini nga inosente ang iyang pag-umangkon sa krimen kauban sa panawagan sa mga abductor nga i-uli ang patay’ng lawas sa batan-on kung patay na kini karon.

Sa pikas bahin, nagpadayag og kadismaya si Calinan Police Station Chief of Police Major Neil Vistar sa mga nagdagit kang Panzan tungod sa pagposas sa mga kamot niini kay mugawas man gud nga mapasaninglan ang mga pulis sa gidangatan sa maong batan-on.

Si Dennis Panzan kinsa usa sa upat ka mga suspek sa Bragas rape-slay case nga gikasohan og Rape with Homicide nakabsan sa kinabuhi human naka-ikyas gikan sa kamot sa mga abductor niini.

RadyoMaN Joel Viray