Davao City – Nahimong hapsay ang entero dakbayan sa Dabaw sa Semana Santa 2021.
Matud ni Davao City Police Office City Director Police Col. Kirby John Kraft, walay natalang untoward incidents subay sa pagkomemorar sa Semana Santa.
“Iyong peace and order natin from last Palm Sunday until Linggo ng Pagkabuhay o Easter Sunday, generally peaceful po tayo,” sumala ni Kraft. Gibutyag sa hepe nga daghang nadakpang nalambigit sa mga sugal, mga nagsabong ug naaktohang sa mass gathering.
Sa pinakaulahing impormasyong gitunol ni Kraft sa DXDC, adlawng domingo walay mga violators subay sa Executive Order No.19 ang pagdili sa pagkaligo sa mga inland ug beach resorts human kini gipasirado aron malikayan ang pagdagsa ug pagtapok sa mga tawo atol sa Semana Santa.
Magpabiling taas ang alerto sa kapulisan sa syudad sa pagpatuman og hugot nga seguridad kontra krimen ug health protocols aron mapugngan ang pagsaka sa kaso sa coronavirus 2019 (COVID-19).
RadyoMaN Aimee Guinita
