Davao City – Mas hugot nga seguridad ang ipatuman sa Davao City Police Office (DCPO) karong Disyembre 31, 2022 atol sa pagsugat sa bag-ong tuig 2023, sumala ni Police Major Catherine Dela Rey Spokesperson sa DCPO human nahinabi sa DXDC RMN Davao.
Segun ni Dela Rey, ipatuman sa Davao City Police Office ang maximum deployment tibuok syudad sa Davao.
Gidugang ni Dela Rey, hugtanon ang pagbantay sa mga awtoridad og pagmonitor ilabi nga adunay City Ordinance nga gipatuman sa dakbayan kontra sa mga pabuto ug pyrotechnics.
Gipasabot ni Dela Rey, apil nga ginamonitor ang mga nagkadaiyang establisemento o mga tindahan aron pagsiguro nga walay nagbaligya og mga firecracker.
“Manghinaut ang atong City Director na pariha niadtong niaging Pasko mamahimong malinawon ug sadya ang atong pagsugat sa bag-ong tuig 2023,” saysay ni Dela Rey.
RadyoMaN Don Pulayao
Facebook Comments
