Davao City – Subling pagbukas sa Roxas Night Market, pagwagtang sa FM Pass, Curfew ug Liquor Ban gipangandaman sa kapulisan alang sa pagpatuman sa mga health protocols human gi-anunsyo ni Davao City Mayor Sara Duterte-Carpio nga ipailawom pag-usab ang Davao City sa Modified General Community Quarantine (MGCQ) status.
Sumala ni Capt. Rosario Aguilar, Davao City Police Office (DCPO) Spokesperson, walay kausaban ang ilang gihimong pagbantay ug pagpatuman sa mga health protocols sama sa pagsuot og face mask, social distancing, paghugas sa kamot gamit ang sanitizer o alcohol ug uban pang mga rekwisitos aron dili mosamot ang pagkatag sa coronavirus disease dinhi sa dakbayan.
Gibutyag ni Aguilar nga aduna nay naka-assign nga mga personahe sa PNP, Civil Security Units, mga sakop sa Task Force Davao (TFD) ug mga police auxiliaries sa ground level aron maoy mopatuman sa mga pertinenteng COVID regulations.
Kung gikinahanglang dugangan ang ilang personahe nga i-deploy sa mga palengke, ila kining dugangan aron adunay igong pwersa alang sa hingpit nga pagpatuman sa mga guidelines kontra COVID-19.
RadyoMaN Bernard Pantallon
