Davao City – Padayong nilusad og imbestigasyon ang Davao City Police Office (DCPO) bahin sa mga reklamo batok sa REPA Paluwagan scheme diin dili muubos sa 30 ka mga investors ang nabiktima ug muabot sa milyones ang alegasyong gidagit nga kwarta.
Sumala ni DCPO City Director Police Major Kirby John Kraft, mamahimong muduso og reklamo ang Regional Anti-Cybercrime Unit sa PNP ang mga investors nga naghulog sa ilahang mga kwarta pinaagi sa online.
Giasister sa Sta. Ana PNP ang mga complainants kinsa nidugok sa giingong gipuy-an sa ilahang investor sa Brgy. Leon Garcia, Agdao ning dakbayan.
Nagpahimangno si Kraft sa publiko nga dili magpailad ug magpadani sa mga giingong doblehon o triplehon ang ilahang mga gi-invest ang mga kwarta ngadto sa mga kumpanya nga mga suspisyuso ug walay ginarelease nga resibo.
RadyoMaN Aimee Guinita
