Sa interbyu sa DXDC RMN Davao kang Police Major Catherine dela Rey, spokesperson sa DCPO, gibutyag niini nga nakig-coordinate na sila sa mga barangay official ug barangay tanod aron mamonitor nila ang kabatan-onan nga posibleng magpasiugda og riot.
Nanawagan si dela Rey sa mga tagbalay nga kung aduna silay makit-an nga nagtapuk-tapuk nga mga batan-on ug lahi ang linihukan ilang badlungon aron malikayan ang riot.
Subling nagpahimangno ang tigpamaba sa mga ginikanan nga ilang bantayan ug i-monitor ang ilang mga anak aron dili malambigit sa mga ingon ani nga nilihokan.
“Sa mga ginikanan aning bataa bantayan ninyo kun unsay ilang activities ug mo supervise sila og tarong para dili pod sila ma-involve sa mga gang or any activities nga makasira sa ilahang future. Importante gyud ang guidance sa mga ginikanan,”sulti ni dela Rey.
RadyoMaN Don Pulayao
