Mismo si Area Commander, Police Eastern Mindanao Lt.General Filmore Escobal, ang nangulo sa Turnover Command Ceremony ug gidawat ni Delvo ang baston sa pagka-regional director gikan kang Silo nga gipahigayon sa Police Regional Office (PRO-XI) sa Camp Catitipan adlawng Lunes, Marso 20, 2023.
Gipasalamatan ni Silo ang iyang mga ginsakpan tungod sa suporta nga ilang gihatag sa iyang liderato sulod sa kapin usa ka tuig.
Katapusang gimando ni Silo ngadto sa iyang mga sakop sa PRO XI ang sento porsento nga suporta ngadto sa bag-ong Regional Director nga si General Delvo.
Gidayeg ni Escobal si Silo gumikan sa performance niini isip RD maingon man sa padayon nga implementasyon sa Revitalized Pulis sa Barangay nga gisugdan mismo ni Escobal dihang siya pa ang PRO XI Director sa miaging mga katuigan.
Sa mensahe ni Delvo gimandoan niini ang mga nagranggo og Police lieutenant ug Police Captain sa pag-adto sa kadalanan aron mag-imbestiga sa mga panghitabo sama sa mga aksidente sa kadalanan ug daghan pang uban.
Alayon niini, gimando usab sa incoming PRO XI regional director sa iyang mga sakop nga pakusgan pa ang kampanya kontra iligal nga droga sa rehiyon onse.
Si Delvo, 15 ka tuig nagsilbi sa mga Dabawenyo ubos sa Davao City Police Office ug miagi usab kini sa pagka-hepe sa Toril, San Pedro, Sasa Police station ug XO sa Police Eastern Command.
RadyoMaN Joel Viray
