Davao City – Abli na ang OFW help desk sa matag presinto sa kapulisan sa Davao City Police Office (DCPO) alang sa pagdawat og mga problema o issues sa Overseas Filipino Workers (OFW).
Sa interview sa DXDC RMN Davao kang Police Major Catherine Dela Rey, DCPO spokesperson dako kining tabang sa mga OFW ilabina sa mga pamilya niini aron dali nilang mapa-abot ang ilang reklamo ugaling dunay problema ang ilang minahal sa kinabuhi nga nanarbaho gawas sa nasud.
Gidugang ni Dela Rey ang maong help desk motabang usab sa pagproseso sa papeles sa mga indibidwal nga buot manarbaho abroad.
“Kadtong mga nangaplay pa basin naa silay concern sa OWWA, sa POEA or any concern sa ilahang mga papel or unsa ba ilang problema, instead nga moadto sila diri sa dakbayan sa Davao pwede sila moduol sa pinakaduol nila nga police station,” sulti ni Dela Rey.
RadyoMaN Don Pulayao
Facebook Comments
