CDRRMO: Walay natala nga damyos sa mga gambalay sa syudad atol sa paglinog

Davao City – Walay natalang dako nga damyos nga epekto sa linog sa syudad subay sa gihimong inspeksyon sa City Disaster Risk Reduction Management Office (CDRRMO) ug City Engineers Office (CEO).

Sa interview sa DXDC RMN Davao kang CDRRMO head Alfredo Baloran, nakatala lamang og gagmay nga liki sa pipila ka mga gambalay sa syudad subay sa ilang gihimo nga inspeksyon.

Segun ni Baloran nakitaan og hairline cracks ang usa ka building sa Mintal Elementary School, City Health Office – Jacinto Health Center, City Social Welfare and Development Office (CSWDO) main office ug overpass sa Barangay Matina Crossing.

“Normal lang ang inspection. Kadtong mga reported nga naay hairline crack base sa mga recommendation pod sa atoang assessment team together with their structural engineers, passable for occupancy pa man gihapon ang mga building so walay problema,” sulti ni Baloran.

Kahinumduman nga mitay-og ang magnitude 6.0 nga linog nga misentro sa Compostela, Davao de Oro alas 6:44 adlawng Miyerkules, Pebrero 1, 2023.

RadyoMaN Don Pulayao