DCPO: Pagbilin sa bag-ong himugso nga bata susihon

Davao City – Mulusad og imbestigasyon ang kapolisan sa gibilin nga bag-ong himugsong batang babayi sa Pareñas Compound, Brgy. Cabantian, Buhangin District, syudad sa Davao.

Sa interbyu sa DXDC RMN Davao kang DCPO Spokesperson Police Captain Rosario Aguilar, kini aron ma-identipika ang inahan o kung kinsa ang nibilin sa bata. Gibutyag ni Aguilar, mamahimong pasakaan og kasong paglapas sa RA 7610 ang inahan kung mapamatud-ang gituyo ang pag-abandona sa bata.

“Kung naay nakabalo o naay nakakita sa insidente mas maayo nga muhatag sila og statement sa kapulisan aron matagaan og hustisya ang pagmaltrato sa bata at the same time matagaa’g higayon nga malimpyo kung ang inahan kung ang reason kay problema sa pangisip, atong sutaon ang tanang aspeto,” sumala ni Aguilar

Gidala ang batang babayi sa Southern Philippines Medical Center (SPMC) alang sa atensyong medikal.

Nanawagan si CSWDO head Malou Bermudo sa mga ginikanan nga kanunay abli ang gobyerno sa pagtubag sa mga concerns sama na lamang kung dili nila makaya ang pagbuhi sa ilang mga anak aron dili i-abandona.

RadyoMaN Aimee Guinita