Davao City – Gihunong una ang pag-isyu og Police Clearance sa Davao City Police Office (DCPO).
Sumala ni Police Capt. Rosario Aguilar, spokesperson sa DCPO atol sa pakighinabi sa DXDC RMN Davao, temporaryo giundang ang pag-isyu sa police clearance human adunay nagpositibo sa COVID-19 nga usa ka sakop sa SWAT Motorcycle Quick Response Team nga nadestino sa Brgy. 23-C ning syudad.
Gipasabot ni Aguilar ngadto sa katawhan nga magkuha og police clearance nga mamahimo moadto sa duol nga Police Station sama Talomo, San Pedro ug uban pang Police Station.
Sa karon gipa-ilawom na sa total lockdown ang SWAT Compound nga nahimutang sa DCPO.
“Ang total lockdown kadtong SWAT nga compound, ginadili sa ang pag isyu og police clearance sa Davao City Police Office (DCPO),” segun ni Aguilar.
RadyoMaN Don Pulayao
