Davao City- Samdan ang usa ka bystander kinsa niapil atol sa operasyon ug negosasyon sa mga pulis ngadto sa usa ka gituohang adunay problema sa pangisip nga nangilog og pusil sa pulis sa Quimpo Boulevard Brgy. 40-D, Davao City niadtong Biyernes.
Giila kining si Antolin Camingawan Cañon Jr, 41 anyos, Army Reservist, ug taga-B19, L51, St. Joseph Homes, Sirawan,, Toril, Davao City.
Sa report sa DCPO, gisunggaban ug gisulayan ni Cañon og ilog ang baril ngadto sa suspek apan natumba kini hinungdan nga napusilan kini sa tuo nga dughan.
Subay niini nagpahimangno si Davao City Police Office City Director Police Col. Kirby John Kraft sa publiko nga dili manghilabot kung adunay mga police operations ilabina armado ang suspek.
“Kapag police operations, police interventions hindi dapat sila mag-interfere lumayo sila lalo na itong suspek natin may baril, hindi dapat sila nakialam kasi may enforcement function ito. Kaya nga sa hindi natin inaasahan nabaril tuloy siya,” sumala niini.
Gidala kini sa Southern Philippines Medical Center (SPMC) human sa insidente.
Samtang kasong Frustrated Homicide ug Theft ang ipasaka batok ngadto sa suspek nga giilang si alyas Ara, gituohang mentally challenged, 18 anyos ug taga- La Filipina, Tagum City, Davao del Norte nga kasamtangang nabutang sa WCPD section sa San Pedro PNP.
Gimando usab ni Kraft nga i-recall ang issued firearm sa pulis nga si PSSG Asuncion Jeanette Calubag, nga nanag-iya sa maong baril nga giilog sa suspek ug gipaesplekar usab kini sa insidente.
RadyoMaN Aimee Guinita
