Davao City – Estriktong ipatuman sa Davao City Police Office (DCPO) ang seguridad ugaling adunay mag-rally atol sa ika-38 nga anibersaryo sa EDSA People Power Revolution karong adlawa, Pebrero 25, 2023.
Sa interbyu sa DXDC RMN Davao kang Police Major Catherine Dela Rey, tigpamaba sa DCPO, gisaysay niini nga adunay i-deploy nga mga personahe sa kapulisan sa Freedom Park nga nahimutang sa Roxas Avenue, Davao City pagsigurong hapsay ang aktibidad ug masunod sa mga militanteng grupo ang balaod sa paglusad og rally.
“Naga area security lang ‘mi. Kung naa silay pagahimuong makalapas sa balaod, saka pa ‘mi mo-react. Pero kung peaceful man pud ilahang rally, mag-monitor lang ‘mi sa ilaha,” sulti ni Dela Rey.
Gitino sa DCPO spokesperson nga tugotan lamang nila nga mag-rally gawas sa Freedom Park kadtong grupo nga adunay ‘permit to rally’ gikan sa City Government of Davao.
RadyoMaN Kirby Manzon, RadyoMaN Don Pulayao
Facebook Comments
