MAGA PULIS DEL TETUAN POLICE STATION YA ARESTA UN DRUG PUSHER Y YA CONFISCA CONELE EL 11 PAQUETE DE SHABU NA SITIO ASINAN, KASANYANGAN DEL MIERCOLES DENOCHE. CON EL SUSPECHAO YA CONOSE COMO SI AISON MAKAIRAL MASILDE, 51 ANIOS DE EDAD Y DE LOGOY GRANDE, TALON-TALON. ALAS 9:23 DEL NOCHE CUANDO YA CONDUCI EL BUY-BUST OPERATION QUE YA RESULTA NA ARESTO DI MASILDE. ENCAMBIO DEL P200 MARKED MONEY, MAGA PULIS YA RECOBRI EL 11 PAQUETE DE SHABU Y EL MARKED MONEY. EL SUSPECHAO TA ESTA YA AHORA NA COSTODIA DEL PULIS MIENTRAS CON EL MAGA SHABU YA ENTREGA YA NA PNP CRIME LABORATORY.
Facebook Comments
