DCPO: Rally atol sa SONA ni PBBM, generally peaceful

Davao City- Nagmalinawon og walay natala nga untoward incident subay sa report gikan sa Davao City Police Office (DCPO) sa gipahigayong lihuk protesta sa mga progresibong pundok kagahapong adlawa Hulyo 24, 2023 human sa ikaduhang State of the Nation Address (SONA) ni President Ferdinand “Bongbong” Marcos Jr.

Sa interbyu sa DXDC RMN Davao kang Police Captain Hazel Tuazon, Spokesperson sa DCPO gibutyag niini nga subay sa ilang gihimong assessment ug monitoring sa ilang area of responsibility (AOR) human sa SONA sa presidente, walay mga nahitabong kasamok og walay mga dagkong panghitabo partikular na sa Freedom Park sa Roxas Avenue, ning syudad.

Mapasalamaton sab ang opisyal, ngadto sa mga raliyista nga misunod sila sa mga palisiya nga gipatuman wala silay nahimong violations ug ila lamang gipaabot ang mga issues and concern ngadto sa administrasyon sa Marcos.

Nasayrang miabot sa 50 ang mga militanteng grupo ang nagpasibaw sa ilang mulo sa gobyerno diin nanguna dinhi ang Bayan Muna, Gabriela, ug Piston.

Pipila sa ilang panawagan mao ang pagbasura sa Maharlika Investment Fund, pagbabag sa PUV phase out, pagpatuman sa P1,100 pesos salary minimum wage ug daghan pang uban.

RadyoMaN Don Pulayao