Davao City- Ipahigayon ang Send Off Ceremony alang sa Pasko Fiesta sa Davao karong alas 2:00 sa hapon, Nobyembre 24, 2023 sa Davao Police Office (DCPO) ground sa pagdeploy sa dul-an 10,000 ka mga personahe sa pagbantay subay sa maong selebrasyon.
Sa pakighinabi sa DXDC RMN Davao kang Police Captain Hazel Tuazon, ang Spokesperson sa DCPO gibutyag niini human sa Send Off Ceremony aduna nay soft deployment sa mga personnel nga maoy mobantay ngadto sa mga venue kung asa himuon ang mga aktibidad.
Gipasabot sa opisyal, lain-laing mga aktibidad ang bantayan sa mga awtoridad ug ang pinaka sentro mao ang San Pedro Square sa dakbayan.
Subling nagpahimangno si Tuazon ngadto sa mga Dabawenyo nga magma-igmat og mag-alerto kanunay diin ipatuman sab ang culture of security kun adunay mamatikdan i-report dayon sa kapulisan pinaagi niini aron makab-ot ang kahapsay ug kalinaw ning panahon sa kapaskuhan.
RadyoMaN Don Pulayao
Facebook Comments
