Davao City – Siyam ka adlaw ayha ang Pasko, subli’ng nagpahinumdom ang Davao City Police Office (DCPO) nga saulogon kini sulod sa panimalay aron likay sa Coronavirus Disease 2019 (COVID-19).
Sa interbyu sa DXDC RMN Davao kang Police Colonel Kirby John Kraft, hepe sa DCPO, gisaysay niini nga mas maayo nga luwas gikan sa balatian labi na sa COVID-19 ang miyembro sa pamilya samtang i-selebrar ang holiday season.
“Ngayong magpa Pasko nga ay ating ini-encourage sila (Davaoeños) na i-celebrate nila ng simple at sa bahay lang po kasama ang kanilang pamilya. Mas maganda po ito na tayo po ay malusog ngayong panahon ng Pasko,” segun ni Kraft.
Nasayran nga luyo sa pandemya, padayon gihapon ang aktibidad sa DCPO sama sa paglusad sa Pahalipay para sa Kabataan diin gipatuman usab ang health and safety protocols batok COVID-19.
Nanghinaut ang DCPO Director nga mabati gihapon sa Davaoeños ang Pasko luyo sa krisis o kalisod nga hatud sa pandemya.
“Tuloy pa rin po ang Pasko kahit may pandemya. Merry Christmas po sa lahat ng Davaoeños!” dugang ni Kraft.
RadyoMaN Kirby Manzon
