Davao City-Dakong tabang alang sa kapulisan kung aduna silay suot nga mga body cameras atol sa himuong mga operasyon aron mahibaw-an kung nisubay sila sa Standard Operating Procedures.
Suportado ni Davao City Police Office Director PSSUPT Alexander Tagum ang laraw sa pipila ka mga senador nga kinahanglang magsul-ob ang kapulisan og body cameras.
“We will be happy if the goverment will provide us with body cam,” segun niini.
Sumala ni Tagum nga mamahimong suporta ang mga footages sa ilang himuong mga operasyon ilabina kung adunay mga kwestyon sa resulta sama sa pagkamatay sa mga suspects.
“I highly recommend na may body cam kami pareho sa US, because it will further support our case kung sa mahitabong engagement with the criminals,” sumala ni Tagum.
Samtang atol sa AFP PNP Press Conference gikanayon ni PSI Ma. Teresita Gaspan gumikan sa kamatayon ni Kian delos Santos sa kamot sa tulo ka mga Caloocan police personnel, hugtanong gipahimangnoan ni Tagum ang mga hepe sa dose ka mga police stations sa Davao nga musubay gyod sa police operational procedures sa tanang himuong mga operasyon.
Matud ni Gaspan nga lehitimo ang tanang gihimong operasyon sa kapulisan sa dakbayan tungod kay una sila mukasa og buybust operation aduna usay validation o pre-operation conference aron maseguro nga sakto ug walay malapas nga katungod sa mga suspek.
Gani dunay seminar ang mga kapulisan aron ma-refresh mahitungod sa police operational procedures.
Sumala ni Gaspan wala silay i-tolerate nga pulis kung base sa imbestigasyon mapamatud-an nga adunay sayop nahimo ang mga police scalawags pasakaan kini’g kaso ug taktakon sa serbisyo.
Kasamang Aimee Guinita
