Davao City – Walay mga nakalapas o naarestong violators sa mga simbahan atol sa unang semana sa Misa de Gallo sa dakbayan sa Davao.
Sa interbyu sa DXDC RMN Davao kang Davao City Police Office City Director Police Col. Kirby John Kraft, giingon niini nga mituman ang publiko sa mininum health protocols kontra COVID-19.
Adunay kaugalingong marshal ang matag simbahan nga gabantay aron magobserba ilabina ang social distancing bisan pa man dagsa ang mga parokyanong nitambong sa misa.
Segun ni Kraft, kinahanglang maniguro ang publiko sa ilahang safety aron dili sila magkasakit sa COVID-19 diha sa mga pampublikong lugar.
“Oo nga natapos mo nga ang 9 days mo na simbang gabi pagdating mo naman ng noche buena wala kang panlasa. Mas maganda na malusog ka at masaya ka sa Paskong ito dahil umiwas ka sa COVID-19,” matud ni Kraft.
RadyoMaN Aimee Guinita
