Davao City – Walay pay natala nga mga dagkung insidente ang Davao City Police Office (DCPO) sukad mi-arangkada ang ‘Pasko Fiesta sa Davao’ niadtong November 22, 2019.
Atol sa AFP-PNP presser, gibutyag ni Col. Kirby John Kraft, hepe sa DCPO, padayon ang ilang paghatag og hugot nga seguridad sa syudad aron maseguro ang kahapsay ug kalinaw sa entero dakbayan.
Gani, kanunay nilang gina-obserbar ang ‘culture of security’ diha sa mananglahing mga aktibidades sa maong selebrasyon ilabi na sa San Pedro Square diin sentro kini sa kalihukan rason nga gibarikadahan nila kini.
Samtang gipasalig ni Police Brig. General Filmore Escobal, Police Regional Office (PRO-XI) Regional Director nga alerto ang mga sakop sa kapulisan sa Davao Region aron nga luwas ug malingaw ang katawhan samtang nagsaulog sa adlaw sa Kapaskuhan.
RadyoMaN Jason Amisola
