DCWD: Imbestigahan ang pagtaas sa bayrunon sa tubig sa kustomer nga nidangop sa DXDC

Davao City – Nialma ang usa ka residente nga taga-Juliville Subdivision, Brgy . Tigatto, Buhangin, Davao City sa pagsutoy sa iyang bayrunon sa tubig.

Sa gipadalang concern ni Fernando Villanueva, nagpatabang na kini sa atong sibyahanan (DXDC RMN DAVAO) aron maaksyonan ang iyang suliran.

Sukad-sukad P135 ra ang iyang mabayran sa iyahang bill sa tubig sulod sa pila na katuig, apan karon niabot na kini sa P1,800.

Sa interbyu sa DXDC RMN Davao gikanayon ni JC Duhaylungsod, DCWD Spokesperson, leakage sa tubo ang pipila sa mga posibleng mga hinungdan sa pagdako sa water bill consumption sa usa ka konsumante kung dili man aduna kiniy extensive water activities.

Molusad og imbestigasyon ang Commercial Services Department sa DCWD human napadangat na ang concern ni Villanueva.

Mamahimo usab kining mo-request og leak adjustment ug iberipika kini sa DCWD kung eligible ba ang maong konsumante.

RadyoMaN Aimee Guinita