COMELEC XI: ‘Register Anywhere Project’ alang sa voter registration gipangandaman

Davao City – Giawhag sa Commission on Elections (COMELEC) -XI ang mga eligible individuals nga magparehistro sa pag-resume sa voter registration sa Disyembre 12, 2022.

Sa interbyu sa DXDC RMN Davao kang Atty. Gay Enumerables, Assistant Regional Director sa COMELEC-XI, gibutyag niini nga ang maong voter registration pagpangandam sa umaabot nga Barangay ug Sangguniang Kabataan (SK) Elections sa sunod tuig (2023).

Segun ni Enumerables, didto sa kaulohan, adunay himuong ‘Register Anywhere’ system sa pipila ka malls sa capital region sa tumong mapadali ang access sa voter registration.

“Nag-pilot pa sila. Tan-awon nila kung unsa ka-effective. Nag-set up sila og system na anyone can go there kahit bisan asa ka magparehistro,” sulti ni Enumerables.

Gidugang sa COMELEC-XI official sa oras nga mag-resume na ang voter registration, mamahimo na nga makaparehistro ang 15 anyos pataas, diin magdala lamang og valid ID, ball pen ug pag-fill out sa mga form atol sa pagproseso.

RadyoMaN Kirby Manzon