Davao City – Dili direktang maapektuhan ang suplay sa tubig dinhi sa Davao sa epekto sa El Niño season karon sa Pilipinas.
Gipasabot ni Davao City Water District (DCWD) Deputy Spokesperson Jovana Cresta Duhaylungsod, kini base sa technical evaluation ug coordination nila sa Philippine Atmospheric, Geophysical and Astronomical Services Administration (PAGASA) diin sumala pa underground ginakuha ang tubig sa dakbayan dili susama sa La Mesa Dam sa kaulohan nga surface water.
Segun ni Duhaylungsod nga ang ginapangandaman karon sa DCWD mao ang pagtaas sa pagkonsumo sa tubig sanglit summer season na diin sagad magbakasyon anaa sa balay o maligo sa pool.
Nahibaloan nga nabalaka ang Malacañang sa mga nasinatiang water crisis sa managlahing lugar dinhi sa nasud partikular sa Metro Manila gani ginapangitaan nila kini karon og solusyon susama sa lakang nga cloud-seeding aron moulan.
RadyoMaN Jason Amisola
