DCWD: Water service interruption sa March 29-30, 2019

Davao City – Muabot sa siyam ka oras nga walay supply sa tubig ang mga konsumante nga giserbisyuhan sa Toril Water Supply System (WSS) karong Marso 29, 2019, adlawng Biyernes.

Sa advisory sa Davao City Water District o DCWD, magsugod ang service interruption alas 8 sa buntag kutob alas 5 sa hapon diin apektado niini ang Brgy. Lubogan areas: Purok Pagkakaisa, Toril Executive Village, Concordo Compound, Lower Lubogan (Purok 4, 5, 6, 7, 8, 9, 15, and 18), ug Sto. Niño, Brgy. Crossing Bayabas areas: Manggahan, Venus Extension in Manggahan, Crossing Bayabas, Paradise Village, Marapangi Resettlement Area, ug Upper Piedad.

Samtang pito usab ka oras nga makasinati nga way supply sa tubig ang mga konsumante sa Riverside WSS alas 9 sa buntag kutob alas 3 sa hapon diha sa Tacunan areas: Purok 1 to 9, Tierra Nueva, Bagong Pag-asa HOA, Sta. Cecilia Homes, ug Sitio Biatilisan, Catalunan Grande areas: Santiago Villas Subd., Alejandra National HOA, San Miguel HOA, Sitio Sto. Niño Ilihan, Sitio San Pedro, ug South Pointe Homes.


Dugang niini, unom ka oras nga way supply sa tubig karong adlawng Sabado, March 30, 2019 alas 9 sa buntag kutob alas 3 sa hapon sa Downtown areas: Streets of Arellano, Jose Abad Santos, Mt. Mayon, and Camus and portions of Pardo de Tavera Street (from Arellano Street to Jose Abad Santos Street), Mabini Street (from Quirino Street to V. Mapa Street), V. Mapa Street (from Mabini Street to J.P. Laurel Avenue), Tionko Avenue (from V. Mapa Street to Arellano Street), E. Jacinto Street (from V. Mapa Street to Arellano Street), ug mga kasikbit nga lugar niini.

Sumala pa tungod kini sa pagahimuong disinfection ug cleaning of Toril Reservoir, tapping sa pipeline alang sa mainline improvement sa Purok 6 sa Brgy. Tacunan ug installation sa gate valve sa DCWD’s existing pipeline alang sa bag-ong service connection sa Shunem Integrity Residences Inc. (Hostel 153).

Alang sa dugang mga pangutana, mamahimong mutawag lang sa DCWD’s 24-hour hotline 297-3293 ug press “0” or call/text 0927-798-8966, 0908-441-0653, ug 0925-511-3293.

RadyoMaN Renz Barbarona

Facebook Comments